Kaxa Kaladze: Xaricdən alınan vəsaitlər inqilabi ssenariyə sərf olunurdu
Tbilisi, 6 fevral, AZƏRTAC
“Gürcü Arzusu-Demokratik Gürcüstan” partiyası hər zaman deyirdi ki, xaricdən alınan pul vəsaitləri ölkədə inqilabi ssenariyə sərf olunur. Dediklərimiz bu gün təsdiq olundu. Lakin müxalifət yenə də bununla razılaşmaq istəmir. Ona görə ki, müxalifət nümayəndələri hələ də başqalarının tapşırıqlarını yerinə yetirirlər.
AZƏRTAC xəbər verir ki, bu sözləri Tbilisinin meri, “Gürcü arzusu”nun baş katibi Kaxa Kaladze jurnalistlərə açıqlamasında söyləyib.
K.Kaladze “Lelo” partiyasının yaradıcısı Mamuka Xazaradzenin ABŞ-ı “Gürcü arzusu”na təzyiq göstərməyə çağırmasını da tənqid edib.
Onun sözlərinə görə, ABŞ Prezidentinin özünün və yüksəkrütbəli məmurlarının da dediyi kimi, “dərin dövlət” dünya üçün əsas problemdir.
Mer bildirib ki, bu insanlar adi agentlərdir. “Dərin dövlət” bütün dünya üçün böyük problemdir və bu barədə ABŞ Prezidentinin özü, yüksəkrütbəli məmurları da danışırlar. O deyib ki, onlar hələ məğlub olmayıb, çox dərin köklərə malikdir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
