Keçmiş məcburi köçkün: Xıdırlı kəndinə geri qayıtmağımız bizim üçün böyük sevinc və xoşbəxtlikdir
Bakı, 15 noyabr, AZƏRTAC
Bu gün Ağdam rayonunun Xıdırlı kəndinə geri qayıtmağımız bizim üçün böyük sevinc və xoşbəxtlikdir. Uzun illərdir gözlədiyimiz, ürəyimizdə daşıdığımız arzumuz – doğma rayonumuza, öz kəndimizə qayıtmaq nəhayət ki, reallaşır.
Bu sözləri AZƏRTAC-a açıqlamasında Ağdam rayonunun Xıdırlı kəndinə köçən keçmiş məcburi köçkün Orxan Zülfüqarlı söyləyib.
O.Zülfüqarlı Ağdamla bağlı uşaqlıq xatirələrinin az olduğunu deyib: “Həmin vaxt 3 yaşında idim və məcburi köçkünlük dövrünün çətinliklərini yaddaşıma həkk edə bilməmişəm. Bu gün isə ailəmlə birlikdə kəndimizə geri dönürük. Bu qayıdış yalnız fiziki bir dönüş deyil, həm də ruhumuz üçün uzun illərdir gözlənilən bir rahatlama, bir doğma yuvaya qayıdışdır”.
Bölmənin digər xəbərləri
