KEŞLƏ MAŞINQAYIRMA ZAVODU İRAN ÜÇÜN KƏŞFİYYAT QAZMASI QURĞUSU HAZIRLAYIR
Keşlə maşınqayırma zavodu bağlanmış müqaviləyə əsasən, İran üçün kəşfiyyat qazması qurğusu hazırlayır. Yanvarın axırında qurğu qonşu ölkəyə göndəriləcəkdir.
“Azneftkimyamaş” Açıq Səhmdar Cəmiyyətindən AZƏRTAC-ın müxbirinə bildirmişlər ki, müəssisə ötən il istehsal sürətini artıraraq, 5,4 milyard manatlıq məhsul buraxmağa nail olmuşdur. Quyularin təmiri və istismarı üçün qaldırıcı qurğu, kəşfiyyat qazması qurğusu, reduktor və neft sənayesinə lazım olan digər zəruri avadanlığın bir hissəsi Rusiya və Qazaxıstana ixrac olunmuş, neft-mədən avadanlığı üçün buraxılan ehtiyat hissələrin müəyyən hissəsi isə Azərbaycan Dövlət Neft Şirkətinin istehsalat birliklərinə göndərilmişdir. Qalan 3 milyard 800 milyon manatlıq məhsul isə, əsasən, Türkmənistan üçün nəzərdə tutulmuşdur. Türkmənistan tərəfi təxminən 25 milyard manatlıq neft-mədən avadanlığı almaq fikrindədir. Hazırda müvafiq müqavilə bağlamaq barədə danışıqlar aparılır.
Bölmənin digər xəbərləri
