Komitə sədri: Azərbaycanda uşaq hüquqlarının təmini sahəsində keyfiyyətcə yeni mərhələnin əsası qoyulur
Bakı, 28 yanvar, AZƏRTAC
Son illər ərzində Azərbaycanda bir sıra uşaq hüquqlarının müdafiəsi istiqamətində mühüm industrial və normativ dəyişikliklər həyata keçirilib.
AZƏRTAC xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova parlamentin Ailə, qadın və uşaq məsələləri komitəsinin yanvarın 28-də keçirilən iclasında “Uşaq hüquqları haqqında” yeni qanun layihəsinin müzakirəsi zamanı deyib.
“Bu gün müzakirəsinə toplaşdığımız bu qanun layihəsi insan hüquqları sahəsində Azərbaycan dövlətinin üzərinə götürdüyü öhdəliklərə siyasi münasibətinin, öhdəliklərin yerinə yetirilməsinin, təminatlarının və bunu yerinə yetirəcək qurumların vəzifələrinin müəyyənləşdirilməsi istiqamətində çox vacib bir yer tutur”, - deyə o diqqətə çatdırıb.
Komitə sədrinin sözlərinə görə, yeni qanun layihəsi Azərbaycanda uşaq hüquqlarının təmin edilməsi sayəsində keyfiyyətcə yeni mərhələnin əsasını qoyan hüquqi aktdır. Məlum olduğu kimi, insan hüquq və azadlıqlarının inkişafı ilə paralel olaraq insan hüquqları sayəsində də dünyada yeni yanaşmalar formalaşıb və bizim təcrübəmiz bizə yeni istiqamətləri də göstərə bilir.
Bölmənin digər xəbərləri
