KONFRANS İŞİNİ BAŞA ÇATDIRMIŞDIR
Azercellin mətbuat xidmətindən AZƏRTAC-a bildrimişlər ki, “Konstitusiya günü” münasibətilə keçirilən konfransın açılışı noyabrın 8-də olmuşdu. Məqsəd ADNA-nın tələbələrinin ötən tədris ilində apardıqları elmi tədqiqat işlərinin nəticələri haqqında ictimaiyyətə geniş məlumat vermək, tələbələr arasında informasiya mübadiləsi təşkili və onlara auditoriya qarşısında elmi məruzə ilə çıxış etmək vərdişi aşılamaq, elmi tədqiqat işlərinin aparılmasında gənc mühəndislərə ixtisas fənlərini və tədqiqat üsullarını mənimsəmək idi.
Konfransda hər bir tələbə-məruzəçinin təqdimatı müstəqil münsiflər qrupu vasitəsilə, əvvəlcədən elan edilmiş meyarlar əsasında bal sistemi üzrə qiymətləndirilmişdir. Belə qiymətləndirmə əsasında yüksək bal toplamış tələbələrin hamısına Azercell Telekomun hədiyyələri təqdim olunmuş, diplom və hədiyyə qazananlar da daxil olmaqla 185 tələbənin məruzəsinin tezisləri nəşrə tövsiyə edilmişdir. Qeyd edək ki, mükafat alanların sırasında İrandan və Çindən olan xarici tələbələr də var idi.
Bölmənin digər xəbərləri
