Konstantinos Laifis: Yığmamızda çox sayda keyfiyyətli futbolçu var
Bakı, 7 sentyabr, AZƏRTAC
İlk oyunda evdə Monteneqro yığmasına məğlub olduq. Sözsüz ki, nəticədən məyusuq, amma uduzduğumuz oyunda müsbət hallar var idi.
AZƏRTAC xəbər verir ki, bu sözləri UEFA Millətlər Liqasının qrup mərhələsinin ikinci turu çərçivəsində Azərbaycan millisini qonaq edəcək Kipr yığmasının üzvü Konstantinos Laifis sentyabrın 7-də keçirilən mətbuat konfransında deyib.
Müdafiəçi bildirib: “Komandamız gənc futbolçulardan qurulub və müəyyən dəstəyə ehtiyacımız var. Hər bir futbolçu milli komanda üçün səylə çalışmağa hazırdır. Yığmamızda çoxlu sayda keyfiyyətli oyunçu var. Sabahkı oyun bizim üçün çox vacibdir. Tam gücümüzü ortaya qoymalıyıq. Qalib gəlməli olduğumuz oyundur və qələbə qazanacağımıza inanırıq.
Sentyabrın 8-də Nikosiyadakı GSP stadionunda keçiriləcək Kipr-Azərbaycan görüşü Bakı vaxtı ilə saat 22:45-də başlayacaq.
Bölmənin digər xəbərləri
