CƏMİYYƏT
Konstitusiya Məhkəməsinin Palatasının iclasında Bakı Apellyasiya Məhkəməsinin müraciətinə baxılıb
![Konstitusiya Məhkəməsinin Palatasının iclasında Bakı Apellyasiya Məhkəməsinin müraciətinə baxılıb](/files/2023/2/1200x630/16869208561486519455_1200x630.jpg)
Bakı, 16 iyun, AZƏRTAC
Azərbaycan Respublikası Konstitusiya Məhkəməsinin Palatasının növbəti iclası keçirilib.
Konstitusiya Məhkəməsinin mətbuat xidmətindən AZƏRTAC-a bildirilib ki, iclasda Azərbaycan Respublikası Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Azərbaycan Respublikası Əmək Məcəlləsinin 7-ci maddəsinin 2-3.4-cü və 2-4-cü hissələrinin şərh edilməsinə dair Bakı Apellyasiya Məhkəməsinin müraciətinə baxılaraq, Plenumun icraatına qəbul olunması haqqında qərardad qəbul edilib.
Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun iyulun 11-nə təyin edilmiş iclasında baxılacaq.