KONYADA TƏXMİNƏN 60 NƏFƏRİN HƏLƏ DƏ UÇUQLARIN ALTINDA QALDIĞI GÜMAN OLUNUR
AZƏRTAC-ın müxbiri Ankaradan xəbər verir ki, fevralın 6-da Türkiyə xilasediciləri Konya şəhərində çökmüş 11 mərtəbəli binanın qalıqları altından daha 6 nəfərin cəsədini çıxarmışlar. Beləliklə, hadisə nəticəsində həlak olanların sayı 62 nəfərdir. Binanın uçuqları altında hələ təxminən 60 sakinin qaldığı güman edilir.
Xilasedicilər binanın qalıqlarını çox böyük ehtiyatla təmizləyirlər. Ehtimal olunur ki, evin aşağı mərtəbələrinin boş hissələrində hələ də sağ qalan insanlar var. Vilayət səhiyyə idarəsinin başçısı Fatih Qara 28 nəfərin xilas edildiyini bildirmişdir.
Bölmənin digər xəbərləri
