KOREYA İLƏ İQTİSADİ ƏLAQƏLƏRİN PERSPEKTİVLƏRİ MÜZAKİRƏ EDİLMİŞDİR
AZƏRTAC xəbər verir ki, Azərbaycan Respublikası sənaye və energetika nazirinin müavini Gülməmməd Cavadov Koreya Respublikasının Ticarət, Sənaye və Təbii Sərvətlər Nazirliyinin metal və neft-kimya qrupunun direktoru Nam Çanq Xyunun rəhbərlik etdiyi nümayəndə heyəti ilə görüşmüşdür. Əsasən, kimya sənayesi işçilərindən ibarət heyətə Koreyanın məşhur SK, LG Chem, KP Chemikal corp, KPİA və digər şirkətlərinin təmsilçiləri daxildir.
Görüşdə iki ölkə arasında neft-kimya sənayesi sahəsində əməkdaşlığın qurulması məsələləri müzakirə edilmişdir. Belə danışıqların nəticələrinin əhəmiyyətli olduğu, gələcəkdə informasiya mübadiləsinin davam etdirilməsinin vacibliyi vurğulanmışdır.
Bölmənin digər xəbərləri
