“Kosmik fəaliyyət haqqında” yeni qanun layihəsi özündə hansı yenilikləri ehtiva edir
Bakı, 30 may, AZƏRTAC
Telekommunikasiya, məsafədən müşahidə, naviqasiya və digər təyinatlı kosmik obyektlər kosmik fəzada “Kosmik fəaliyyət haqqında” Qanunun tələblərinə uyğun istifadəyə verilir.
AZƏRTAC xəbər verir ki, birinci oxunuşda təqdim olunan “Kosmik fəaliyyət haqqında” yeni qanun layihəsi Milli Məclisin mayın 30-da keçirilən iclasında müzakirəyə çıxarılıb.
Sənədə əsasən, telekommunikasiya peykləri vasitəsilə peyk rabitəsi, telekommunikasiya xidmətləri, yüksəksürətli peyk internet xidməti, radio və televiziya yayımı, verilənlərin ötürülməsi və digər telekommunikasiya peyk xidmətlərinin göstərilməsi ölkə daxilində və xaricdə həyata keçirilir.
Milli kosmik operator Azərbaycan Respublikasının, habelə xarici ölkələrin telekommunikasiya peykləri vasitəsilə ölkə daxilində və xaricdə peyk sistemləri və telekommunikasiya peyk şəbəkələri təşkil edir.
Qanun dərc edildiyi tarixdən 60 gün sonra qüvvəyə minir.
Bölmənin digər xəbərləri
