KRASNOYARSKLI UŞAQLARIN CƏSƏDLƏRİNİ BRİTANİYA MÜTƏXƏSSİSLƏRİ EKSPERTİZADAN KEÇİRƏCƏKLƏR

01.12.2005 [12:14]
Çap et
A⁺ A^-

Rusiya Baş Prokurorluğu bu ilin yazında beş krasnoyarsklı uşağın ölümünün səbəblərini müəyyənləşdirmək üçün ekspertiza keçirilməsi haqqında Britaniya mütəxəssisləri ilə razılığa gəlmişdir. AZƏRTAC RF Baş Prokurorluğunun saytına istinadla xəbər verir ki, ekspertizanın baza dəyəri azı 70 min funt sterlinqdir. Ekspert tədqiqatlarını maliyyələşdirmək məsələsi həll edilməkdədir.

Böyük Britaniyaya ekspert köməyi üçün müraciət edilməsi onunla bağlıdır ki, Rusiyanın bu sahədəki imkanlarından tam istifadə olunmuşdur. İndi Britaniya ekspertləri uşaqların ölümünün səbəblərini aydınlaşdırmalı, habelə bir sıra digər suallara cavab verməlidirlər.

Xatırladaq ki, Krasnoyarskda beş yeniyetmə aprelin 16-da yoxa çıxmışdır. Geniş axtarışlara başlandıqdan üç həftə sonra şəhər ətrafındakı köhnə bir kollektorda yanıb kömürə dönmüş beş uşaq cəsədi tapılmışdır. Onlardan ikisi Səfər Əliyev və Qaqaş Məmmədhəsənov azərbaycanlı uşaqlar idi.

KRASNOYARSKLI UŞAQLARIN CƏSƏDLƏRİNİ BRİTANİYA MÜTƏXƏSSİSLƏRİ EKSPERTİZADAN KEÇİRƏCƏKLƏR

MÜƏLLİFLƏ ƏLAQƏ

Bölmənin digər xəbərləri