KRIMDA TÜRKOLOQLARIN BİRİNCİ BEYNƏLXALQ SİMPOZİUMU KEÇİRİLİR
Forumda 19 ölkənin, o cümlədən Azərbaycan, Türkiyə, Macarıstan, Litva, Polşa, Rumıniya, İran, Rusiya türkoloqları iştirak edirlər. Simpozium Türkiyənin Əməkdaşlıq və İnkişaf İdarəsi (TİKA) tərəfindən təşkil olunmuşdur.
Krım Muxtar Respublikası parlamentinin sədri Boris Deyç tədbirin açılışında çıxış edərək demişdir ki, Krımın müasir tarixində bu mötəbər məclisin – türkoloqların beynəlxalq simpoziumunun keçirilməsi bu sahədə elmi biliklərin zənginləşdirilməsi ilə yanaşı, həm də şimali Qara dəniz bölgələrinin tarixi simasının formalaşmasında türk mədəniyyətinin mühüm rol oynamasının təsdiqlənməsi ilə əlamətdardır.
TİKA-nın sədri Hakan Fidan bildirmişdir ki, simpoziumun Krımda keçirilməsi haqqında qərar Krım yarımadasının Qara dəniz ətrafındakı bölgələrə böyük təsiri ilə bağlıdır.
Simpozium iyunun 4-dək davam edəcəkdir.
Bölmənin digər xəbərləri
