KÜR-ARAZ HÖVZƏSİ PROBLEMLƏRİNƏ DAİR SEMİNAR KEÇİRİLMİŞDİR

03.02.2006 [11:22]
Çap et
A⁺ A^-

AZƏRTAC-ın xüsusi müxbiri xəbər verir ki, fevralın 2-də Tbilisidə Kür-Araz hövzəsində vəziyyətin qaydaya salınmasına dair seminar keçirilmişdir.

Seminarda beynəlxalq əhəmiyyətli Kür-Araz çayları sistemində ciddi pozuntular olduğu və onu təhlükə gözlədiyi nəzərə çarpdırılmışdır. Bu çaylarda suyun keyfiyyətinin pisləşməsi və miqdarının azalması gələcəkdə su istehlakçıları arasında potensial mübahisə mövzusuna çevriləcəyi ehtimal edilir. Kür və Araz çaylarına axan çirkli suları təmizləyən qurğuların sıradan çıxması da həyəcan doğurur. Hazırda Kür çayına axıdılan çirkli suları təmizləyən 14 qurğudan yalnız biri işləyir.

BMT-nin İnkişaf Proqramı və İsveç Beynəlxalq İnkişaf Agentliyinin layihəsi çərçivəsində keçirilən seminarda indiyədək görülən işlərə yekun vurulmuşdur.

Tədbirdə Azərbaycan, Gürcüstan və Ermənistanın nümayəndə heyətləri, donor təşkilatların əməkdaşları iştirak etmişlər.