Kür və Araz transsərhəd çaylarında monitorinqin nəticələri açıqlanmışdır
Bakı, 13 noyabr (AZƏRTAC). Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti tərəfindən Kür və Araz transsərhəd çaylarında çirklənmə vəziyyətini öyrənmək məqsədi ilə noyabr ayının birinci ongünlüyü üçün aparılan monitorinqin nəticələri açıqlanmışdır.
Nazirliyin mətbuat xidmətindən AZƏRTAC-a bildirmişlər ki, monitorinqin nəticələrinə əsasən, Gürcüstan və Ermənistan ərazilərindən təmizlənmədən birbaşa axıdılan məişət tullantıları və sənaye müəssisələrinin çirkab sularının təsiri nəticəsində Kür çayında və onun qollarında biogen maddələrin miqdarı normadan dəfələrlə artıq olmuşdur.
Eyni hal Araz çayında da müşahidə olunmuşdur.
Suyun oksigen rejimi isə hər iki çayda sanitar norma daxilində dəyişmişdir.
Bölmənin digər xəbərləri
