“La Vanguardia” qəzeti Prezident İlham Əliyevin Türkiyənin Xarici İşlər nazirini qəbul etməsindən yazır
Madrid, 7 oktyabr, AZƏRTAC
İspaniyanın böyük oxucu kütləsinə malik “La Vanguardia” qəzeti Azərbaycan Prezidenti İlham Əliyevin oktyabrın 6-da Türkiyə Respublikasının Xarici İşlər naziri Mövlud Çavuşoğlunu qəbul etməsindən yazıb.
AZƏRTAC xəbər verir ki, məqalədə dövlətimizin başçısı İlham Əliyevdən sitat gətirilərək, Türkiyə Prezidenti Rəcəb Tayyib Ərdoğanın qətiyyətli bəyanatlarının bir daha Türkiyənin Azərbaycanın yanında olduğunu göstərməsinin bariz təzahürü olduğu, Türkiyə-Azərbaycan qardaşlığının regionda sabitliyin, əmin-amanlığın təmin edilməsi üçün önəmli rol oynadığı diqqətə çatdırılıb.
Qeyd olunub ki, Mövlud Çavuşoğlu Azərbaycana səfərlərinin məqsədinin Türkiyənin qardaş Azərbaycana dəstəyini bir daha bütün dünyaya göstərmək olduğunu bildirib. Qeyd edib ki, Prezident İlham Əliyevin liderliyi ilə bu gün Azərbaycanın öz torpaqlarını azad etmək üçün mübarizə aparır və buna qadirdir. Türkiyə və türk xalqı bütün sahələrdə Azərbaycana hər cür dəstək verməyə hazırdır.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
