AZƏRTAC xəbər verir ki, Latviyadakı Azərbaycan diaspor təşkilatı - “Ocaq” Mədəniyyət Mərkəzi Dünya azərbaycanlılarının həmrəyliyi günü münasibətilə bayram tədbiri keçirmişdir.

Tədbirdə Azərbaycanın Latviyadakı səfiri Tofiq Zülfüqarov, bu ölkənin rəsmiləri, milli diasporumuzun üzvləri, diplomatik korpusun əməkdaşları, həmçinin digər xalqların diaspor təmsilçiləri iştirak etmişlər.

“Ocaq” Mədəniyyət Mərkəzinin idarə heyətinin üzvləri Roman Əliyev və Telman Kərimov bu ölkədə yaşayan azərbaycanlıların həyata keçirdikləri layihələr, tədbirlər və gələcəkdə görüləcək işlər haqqında məlumat vermişlər. Azərbaycan Prezidenti İlham Əliyevin həmrəylik günü ərəfəsində dünya azərbaycanlılarına ünvanladığı müraciət oxunmuşdur.

Bayram tədbiri konsert poqramı və Azərbaycan milli mətbəxindən ibarət ziyafətlə başa çatmışdır.