Latviyada koronavirusun “Britaniya ştammı”na yoluxma halları artır
Riqa, 17 mart, AZƏRTAC
Latviyada COVID-19-un "Britaniya ştammının” yayılma halı 20-25 faiz təşkil edir.
AZƏRTAC ölkə mətbuatına istinadla xəbər verir ki, bu barədə Latviya Biotibbi Tədqiqatlar Mərkəzinin Elmi Şurasının sədri Yanis Klovinş söyləyib.
O bildirib ki, ötən həftə laboratoriyada sistematik şəkildə həyata keçirilən test nümunələrinin 23 faizində COVID-19 infeksiyasının "Britaniya ştammı" aşkar edilib.
“Virusun digər variantları azalır. Əgər bu yeni ştamm olmasaydı, virusun azalma statistikası üzrə enmə xətti daha sürətlə gedə bilərdi”, - deyə Şurasının sədri əlavə edib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
