Leninqrad vilayətində vaqonlar relsdən çıxıb, müstəntiqlər təxribat versiyasını yoxlayırlar
Moskva, 14 sentyabr, AZƏRTAC
Leninqrad vilayətinin Stroqanovo-Mşinskaya bölgəsində üç boş yük qatarı vaqonu relsdən çıxıb.
AZƏRTAC xəbər verir ki, hadisə nəticəsində şəhərətrafı 7 qatarın hərəkəti müvəqqəti olaraq dayandırılıb, eləcə də iki “Lastoçka” qatarının (Pskov-Sankt-Peterburq və Sankt-Peterburq-Peçorı) hərəkət istiqaməti dəyişdirilib, bununla əlaqədar olaraq onlar iki saat gecikir.
Regionun qubernatoru Aleksandr Drozdenko bildirib ki, hadisə ilə əlaqədar müstəntiqlər təxribat versiyasını yoxlayırlar.
“Bundan əlavə, Leninqrad vilayətinin Qatçina dairəsindəki Semrino stansiyası yaxınlığında teplovoz relsdən çıxıb, sürücü həlak olub”, - deyə qubernator qeyd edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
