Lənkəran rayonunun Səpnəkaran kənd sakinindən narkotik vasitələr götürülüb
Bakı, 28 iyun, AZƏRTAC
Lənkəran Şəhər-Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılan Səpnəkaran kənd sakini, əvvəllər məhkum olunmuş Ə.Fətullayevdən heroin aşkar edilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, davam etdirilən tədbirlərlə onun yaşadığı evin həyətinə baxış zamanı oradan kultivasiya yolu ilə yetişdirilən 4 çətənə kolu da götürülüb.
Aparılan tədbirlərlə onun evdən paltaryuyan, otbiçən, su mühərriki, məişət əşyaları, 150 metr uzunluğunda naqil, digər evdən isə 3800 manat dəyərində qızıl-zinət əşyaları oğurlaması da müəyyən edilib.
Bölmənin digər xəbərləri
