LƏNKƏRAN ŞƏHƏRİNDƏ SU TƏCHİZATI VƏ KANALİZASİYA SİSTEMİ YENİDƏN QURULUR
AZƏRTAC-ın müxbiri xəbər verir ki, “Azərbaycan Respublikası regionlarının, o cümlədən Lənkəran şəhəri, Astara, Lerik, Masallı və Yardımlı rayonlarının sosial-iqtisadi inkişafının sürətləndirilməsinə dair əlavə tədbirlər haqqında” Azərbaycan Respublikası Prezidentinin 2005-ci il 14 sentyabr tarixli Sərəncamı ilə təsdiq edilmiş tədbirlər planına müvafiq olaraq, Lənkəran şəhərində su təchizatı və kanalizasiya sisteminin yenidən qurulmasına başlanmışdır.
Hazırda şəhərin 1, 2, 3, 4 və 5 nömrəli kanalizasiya nasos stansiyaları və uzunluğu 1,6 kilometr olan yüksək təzyiqli boru xətti yenidən qurulur. İndiyədək 2 kilometr uzunluğunda kanalizasiya xətti bərpa edilmişdir.
Bölmənin digər xəbərləri
