Lənkəranda Xocalı soyqırımı ilə bağlı yeni səsvermə kampaniyasına başlanılmışdır
Lənkəran, 14 fevral (AZƏRTAC). Xəbər verildiyi kimi, Amerikada yaşayan azərbaycanlılar Prezident Barak Obama Administrasiyasının Xocalı soyqırımı və onun qurbanlarını anması və müharibə cinayətlərini tanıması məqsədilə Ağ Evin veb-səhifəsində petisiya yerləşdirmişlər.
AZƏRTAC xəbər verir ki, Lənkəran gəncləri və məktəbliləri də Ağ Evin rəsmi saytında Qarabağ həqiqətləri və Xocalı soyqırımı ilə bağlı aparılan səsverməyə ilkin qoşulmuş və bu siyasi aksiyada fəal iştirak edirlər.
Bu məqsədlə Lənkəran gəncləri və məktəbliləri “Səsimizi duyuraq - biz xalqıq” devizi ilə yeni səsvermə kampaniyasına başlamışlar.
Fevralın 25-dək davam edəcək aksiyanın məqsədi Xocalı soyqırımı ilə bağlı 15 min səs toplamaqdır.
Bölmənin digər xəbərləri
