Lənkəranda yaşıllaşdırma aylığı keçirilir
Lənkəran, 17 noyabr (AZƏRTAC). Noyabrın 15-dən dekabrın 15-dək Lənkəran rayonunda yaşıllaşdırma aylığı keçirilir.
AZƏRTAC xəbər verir ki, noyabrın 17-də aylıq çərçivəsində rayonda kütləvi ağacəkmə kampaniyası təşkil olunmuşdur.
Lənkəran və Liman şəhərlərində, rayonun bütün qəsəbə və kəndlərində, Bakı-Astara magistral yolunun Lənkəran ərazisi boyunca 1500 dəmirağacı, küknar, palma, Lənkəran akasiyası və s. dekorativ ağac növləri və gül kolları əkilmişdir.
Ağacəkmə kampaniyasında inzibati ərazi dairələrinin nümayəndəlikləri, yerli bələdiyyələr, idarə, müəssisə və təşkilatların işçiləri yaxından iştirak etmişlər.
Bölmənin digər xəbərləri
