Leyla Həsənova: İncəsənət gənclərin gələcəyə baxışını əks etdirir
Bakı, 2 oktyabr, AZƏRTAC
İncəsənət mənim üçün doğma bir mövzudur. Düşünürəm ki, incəsənət ruhun güzgüsüdür. Biz bu sərgi vasitəsilə gənclərin gələcəyi necə gördüyünü əks etdirmək istədik. Bu baxışı həm incəsənət əsərlərində, həm də startap layihələrində müşahidə etmək mümkündür.
AZƏRTAC xəbər verir ki, bu fikirləri COP29-un iqlim üzrə gənclər çempionu Leyla Həsənova Bakı İqlim Fəaliyyəti Həftəsi çərçivəsində “Dayanıqlı Expo: Planet üçün incəsənət və innovasiya” tədbirindəki çıxışı zamanı səsləndirib.
O, gənclərin və münsiflərin rəyinin böyük önəm daşıdığını qeyd edib: “Ümid edirik ki, gələn il də Bakı İqlim Fəaliyyəti Həftəsində bizimlə olacaqsınız. Ola bilsin ki, bu sərgidə iştirak edən gənclər növbəti il artıq münsif qismində bizə qoşulacaqlar”.
Leyla Həsənova Heydər Əliyev Mərkəzinə və “Regional İnkişaf” İctimai Birliyinə təşəkkürünü ifadə edərək deyib: “Sizin dəstəyiniz bizim üçün çox önəmlidir. Bakı İqlim Fəaliyyəti Həftəsinin gənclər seqmentinin təşkilində göstərilən dəstək böyük dəyər kəsb edir”.
Bölmənin digər xəbərləri
