Livana hava zərbələri nəticəsində 41 nəfər ölüb
London, 7 mart, AZƏRTAC
İsrailin Livanın şərqində yerləşən Nəbi Şit qəsəbəsinə endirdiyi hava zərbələri nəticəsində azı 41 nəfər ölüb, 40 nəfər isə yaralanıb.
AZƏRTAC BBC-yə istinadla xəbər verir ki, bu barədə Livanın Səhiyyə Nazirliyi məlumat yayıb.
Bildirilib ki, ölənlər arasında Livan ordusunun üç hərbçisi də var. Hadisə İsrail qüvvələri ilə qəsəbədəki silahlı qruplar arasında baş verən toqquşmalar fonunda baş verib.
Məlumata görə, gecə saatlarından şənbə gününə keçən müddətdə bölgədə intensiv döyüşlər və hava zərbələri qeydə alınıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
