Livana qarşı hərbi əməliyyatlar nəticəsində ölənlərin sayı 294 nəfərə çatıb
Qahirə, 7 mart, AZƏRTAC
Martın 2-dən bəri İsrailin hücumları nəticəsində Livanda ölənlərin sayı 294 nəfərə çatıb, 1023 yaralı var.
AZƏRTAC Livan Səhiyyə Nazirliyinə istinadla xəbər verir ki, həlak olanların və yaralıların sayının artacağı gözlənilir.
Nazirliyin məlumatına görə, İsrailin Livanın şərqində yerləşən Nəbi Şit qəsəbəsinə endirdiyi hava zərbələri nəticəsində azı 41 nəfər ölüb, 40 nəfər isə yaralanıb.
Qeyd edək ki, İsrail ordusu hücumların “Hizbullah”ın raket atəşinə cavab olaraq həyata keçirildiyini açıqlayıb.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
