LONDON AVROPANIN BOŞANMA PAYTAXTINA ÇEVRİLMİŞDİR
Manches şirkətinin məhz boşanma prosesləri üzrə ixtisaslaşan vəkili xanım Debbi Çizm deyir ki, “son beş-altı il ərzində İngiltərənin mövcud qanunları ər-arvad münasibətlərində arvadların ailədə oynadıqları rolu nəzərə alaraq, onlara daha çox hüquqi üstünlük verir. Ailəyə verdikləri töhfənin dəyəri çox-çox yüksək olan işləməyən arvadlar həmin ailəyə məxsus əmlakın, hətta yarıya qədərini məhkəmə ilə ala bilərlər”.
Qəzet yazır ki, bir çox ölkələrdə bu cür normalar hələlik mövcud deyildir. Ona görə də bir çox ailələr boşanma prosesinə məhz Londonda başlamağa çalışırlar. Bu işin heç bir çətinliyi yoxdur. Çünki indiki ailələr daha çox mobil və beynəlxalq rabitə vasitələri ilə qurulur. Çox vaxt prosesin Londonda başlanması üçün ər-arvaddan birinin cəmi altıca ay İngiltərədə, yaxud Uelsdə yaşaması kifayətdir.
