Londonda ekoaktivistlər etiraz aksiyası keçiriblər
London, 9 fevral, AZƏRTAC
Londonda ekoaktivistlər etiraz aksiyası keçiriblər.
Ağacları Xilas edin (Save the Trees) adlanan qrup ağacların kəsilərək yerlərində bina tikilməsinə etiraz ediblər. Onlar yaxınlıqda yerləşən tuneldə toplanaraq ərazidəki ağaclara toxunulmamasını tələb ediblər.
Etirazçılar soyuq hava şəraitinə baxmayaraq, ərazini tərk etməyiblər və tələbləri yerinə yetirilməyənə qədər tuneldə yaşayacaqlarını açıqlayıblar.
Qeyd edək ki, bu aksiya bələdiyyənin həmin ərazidə 14 xüsusi mənzil tikiləcəyi barədə açıqlamasından sonra keçirilən 2-ci etiraz aksiyasıdır.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
