“Ludoqorets”in baş məşqçisi: Hər şey Bolqarıstanda həll olunacaq
Bakı, 6 avqust, AZƏRTAC
Hər şey Bolqarıstanda həll olunacaq.
AZƏRTAC xəbər verir ki, bu sözləri Bolqarıstanın “Ludoqorets” komandasının baş məşqçisi Georgi Dermenciyev UEFA Çempionlar Liqasının III təsnifat mərhələsində səfərdə “Qarabağ”ı (2:1) məğlub etdikləri oyundan sonra təşkil olunan mətbuat konfransında deyib.
O, hər iki topu “Qarabağ”ın boşluq yaratdığı zonalardan vurulduğunu bildirib: “Rəqib hücumda daha çox olurdu. Buna görə də boşluqlar yaratdılar. Futbolçularım da bundan yaxşı istifadə etməyi bacardılar”.
Mütəxəssis cavab matçında iki futbolçularının olmamasının komandaya mənfi təsir edəcəyini söyləyib: “Təəssüf ki, iki oyunçumuzu itirdik. Amma biz ruhdan düşmürük. Onları əvəzləyəcək futbolçular var”.
Qeyd edək ki, komandalar arasında cavab qarşılaşması avqustun 13-də Bolqarıstanda olacaq.
Bölmənin digər xəbərləri
