Mağazadan pul oğurlamaqda şübhəli bilinən şəxs tutulub
Bakı, 1 iyun, AZƏRTAC
Bakıda və Mingəçevirdə oğurluqla məşğul olan şəxslər yaxalanıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, mayın 30-da Binəqədi rayonu ərazisindəki mağazaların birindən 800 manat və 150 ABŞ dolları məbləğində pul oğurlamaqda şübhəli bilinən Xaçmaz rayon sakini N.Məmmədov rayon polis idarəsinin 4-cü polis şöbəsinin əməkdaşlarının keçirdikləri əməliyyat-axtarış tədbirləri nəticəsində saxlanılıb.
Mingəçevir Şəhər Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində isə mayın 16-da şəhər bazarında A.Rüstəmovanın çantasından içərisində 270 manat olan pulqabısını oğurlamaqda şübhəli bilinən Yevlax rayon sakini M.Mehdiyeva tutulub.
Faktlarla bağlı təhqiqat aparılır.
Bölmənin digər xəbərləri
