Mahirə Hüseynova: Kitab Qərbi Azərbaycanın toponimləri, deportasiyalarla bağlı məqalələrdən ibarətdir VİDEO
Bakı, 3 mart, AZƏRTAC
“Qərbi Azərbaycan: danışan izlərin işığında” adlı kitab Qərbi Azərbaycanın toponimləri, deportasiyalarla bağlı müxtəlif elmi və publisistik məqalələrdən ibarətdir. Əsərdə həyat hekayələri, bir neçə bədii nümunə və müəllif kimi mənim Qərbi Azərbaycanla bağlı ədəbi yaradıcılığımdan seçmələr də yer alıb.
Bunu AZƏRTAC-a açıqlamasında “Qərbi Azərbaycan: danışan izlərin işığında” kitabının müəllifi, tanınmış dilçi-alim, şair-publisist, professor Mahirə Hüseynova (Nağıqızı) söyləyib.
O, kitabın ərsəyə gəlmə prosesindən söhbət açaraq deyib: “Kitabın əsas ideyası Qərbi Azərbaycandan deportasiya olunan soydaşlarımızın ata-baba yurdlarına qayıdışının tarixi və hüquqi aspektlərə söykəndiyini əsaslandırmaqdır. Bu nəşr təkcə elmi araşdırma xarakteri daşımır. Eyni zamanda illər boyu saxtalaşdırma cəhdlərinə məruz qalan milli yaddaşımızın bərpasına, tarixi həqiqətlərin üzə çıxarılmasına və doğma yurd yerlərimiz qarşısında mənəvi borcumuzun ifadəsinə xidmət edən əsl vətəndaşlıq mövqeyidir”.
Müxbir: Fidan Əlizadə
Foto: Səfiyar Məcnun
Video: Vüsal Tağıyev
Bölmənin digər xəbərləri
