MALAYZİYANIN BAŞ NAZİRİ ABDULLA ƏHMƏD BƏDƏVİ DƏFTƏRXANANIN ƏMƏKDAŞI İLƏ EVLƏNİR
AZƏRTAC İTAR-TASS-a istinadla xəbər verir ki, Malayziya hökumətinin başçısı Abdulla Əhməd Bədəvi baş nazirin iqamətgahının yerləşdiyi “Perdana kompleks” sarayında inzibatçı işləyən 53 yaşlı Janna Abdulla ilə evlənəcəkdir.
67 yaşlı A.Ə.Bədəvi 2005-ci ilin oktyabrında xanımı Endon Mahmud döş xərçəngindən vəfat etdikdən sonra dul qalmışdır. Bədəvi 2007-ci ilin yanvarında onun xatirəsinə Putracayda Milli Onkologiya Mərkəzinin tikintisinə təməl daşı qoymuşdur.
Çox güman ki, təzəevlənənlər “bal ayı”na Sankt-Peterburqa və Moskvaya səfərdən başlayacaqlar.
Bölmənin digər xəbərləri
