“Mançester Siti” klubu Messidən ötrü 400 milyon avro ödəməyə hazırdır
Bakı, 9 oktyabr, AZƏRTAC
İngiltərənin “Mançester Siti” klubu “Barselona”nın oyunçusu Lionel Messini əldə etmək istəyir.
AZƏRTAC xəbər verir ki, İspaniyanın “AS” idman nəşrinin məlumatına görə, transfer futbol dünyasında görünməmiş məbləğə - 400 milyon avroya başa gələ bilər.
Messinin “Barselona” ilə müqaviləsi 2018-ci ilin iyun ayınadək qüvvədədir. Yanvarın 1-dən isə onun digər klublarla danışıq aparmaq hüququ olacaq.
Bundan əvvəl mətbuat yazmışdı ki, argentinalı futbolçu 2018-ci ilin yayında “Barselona”nı sərbəst agent kimi tərk etmək niyyətindədir.
Bölmənin digər xəbərləri
