“Mançester Siti” klubu “PSG”nin hücumçusunu rekord məbləğə transfer etmək istəyir
Bakı, 1 oktyabr, Nicat Məmmədov, AZƏRTAC
İngiltərənin “Mançester Siti” klubu Fransanın “PSG” komandasının hücumçusu Kilian Mbappeni transfer etmək üçün rekord məbləğ - 261 milyon dollar ödəməyə hazırdır.
AZƏRTAC TASS informasiya agentliyinə istinadla xəbər verir ki, bu məbləğ futbol tarixində rekord göstəricidir. Hazırda ən bahalı transfer müqaviləsi braziliyalı ulduz futbolçu Neymarın 222 milyon avro müqabilində “Barselona”dan “PSG” klubuna keçidi olub.
K.Mbappe Fransa klubunun heyətində 48 oyunda 26 qol vurub və 16 məhsuldar ötürmə verib. Fransa milli komandasının heyətində dünya çempionu olan hücumçu həm də həmin mundialın ən gənc futbolçusu seçilib. O, həmçinin FIFA tərəfindən ilin rəmzi komandasının heyətinə daxil edilib.
Bölmənin digər xəbərləri
