“Mançester Siti”nin futbolçusu “Tottenhem”ə keçib
Bakı, 25 avqust, AZƏRTAC
İngiltərənin “Tottenhem” klubu “Mançester Siti”nin braziliyalı futbolçusu Savinyonu heyətinə qatıb.
AZƏRTAC xəbər verir ki, bu barədə London klubunun rəsmi saytı məlumat yayıb.
Transfer məbləği 75 milyon funt sterlinq təşkil edib. Müqavilədə əlavə olaraq daha 10 milyon funt sterlinq bonus nəzərdə tutulub. Vinger yeni komandasında 17 nömrəli formanı geyinəcək.
Qeyd edək ki, Savinyo 2024-cü ildə “Trua”dan 25 milyon avro qarşılığında “Mançester Siti”yə keçmişdi. 22 yaşlı yarımmüdafiəçi ötən mövsüm “şəhərlilər”in heyətində keçirdiyi 36 oyunda 4 qol vurub və 3 məhsuldar ötürmə edib.
Bölmənin digər xəbərləri
