MARQARET TETÇER LONDON HOSPİTALINA QOYULMUŞDUR
Baronessanın vəziyyəti “bayılmaq” kimi də tərcümə olunan “feynt” sözü ilə səciyyələndirilir. Lakin söhbət Tetçerin, çox güman, ahıl yaşı ilə bağlı gücünü itirməsindən gedir. O, bu ilin oktyabrında 80 illik yubileyini qeyd etmişdir. Məlumatda o da bildirilir ki, sabiq baş nazir hospitalda bir gün qalacaq və ola bilsin, dekabrın 9-da evə buraxılacaqdır.
Marqaret Tetçerin səhhəti son vaxtlar zəifləməyə başlamışdır. Lakin o, əvvəlkitək prinsipial və yenilməzdir. Xanım Tetçer iki il əvvəl televiziya çəkilişlərində iştirakdan imtina etmiş və həkimlərin məsləhəti ilə kütləvi çıxışlarının sayını məhdudlaşdırmışdır. Bununla belə, cəmiyyətin Tetçerin rəyinə marağı əvvəlkitək çox böyükdür.
Bölmənin digər xəbərləri
