Masallıda indiyədək 9 min hektardan çox sahədə payızlıq taxıl səpini aparılıb
Masallı, 5 dekabr, Bağır Əliyev, AZƏRTAC
Masallı rayonunun taxılçıları ötən ilin payızında 9634 hektar sahədə taxıl əkiblər. Məhsul istehsalçıları bu il biçin apardıqları taxıl sahələrindən 5 min 844,7 ton arpa, 16 min 271,7 ton buğda yığıblar. Taxıl sahələrindən ümumilikdə 22 min 116,4 ton məhsul tədarük olunub, hər hektarın məhsuldarlığını 23 sentner təşkil edib.
Masallı Rayon Statistika İdarəsindən AZƏRTAC-ın bölgə müxbirinə bildiriblər ki, dekabrın 1-nə olan məlumata əsasən, rayonda 9 min 302,2 hektar sahədə səpin aparılıb. Bunun 2603 hektarını arpa, 6 min 699,2 hektarı isə buğda təşkil edir.
Bundan başqa, rayonda 2 min 874,3 hektarda vələmir əkilib. Məhsul istehsalçıları səpin kampaniyasını qısa müddətdə başa çatdırmaq üçün bütün qüvvələrini səfərbərliyə alıblar.
Bölmənin digər xəbərləri
