Masallıda Xocalıdan olan məcburi köçkünlərlə görüş keçirilib
Masallı, 15 fevral, Bağır Əliyev, AZƏRTAC
Fevralın 15-də Masallı rayonunun Ərkivan qəsəbəsində Xocalıdan olan məcburi köçkünlərlə görüş keçirilib.
AZƏRTAC xəbər verir ki, Xocalının işğalının 24-cü ildönümü ərəfəsində Yeni Azərbaycan Partiyası (YAP) Masallı rayon təşkilatı Gənclər Birliyinin və rayon Qadınlar Şurasının birgə təşkilatçılığı ilə keçirilən tədbirdə Xocalı soyqırımı qurbanlarının xatirəsi birdəqiqəlik sükutla yad olunub.
Çıxış edənlər bəşər tarixində Xocalı soyqırımına bənzər hadisənin olmadığını, o dəhşətli hadisələrin insanların yaddaşından heç vaxt silinməyəcəyini bildiriblər.
Tədbirdə Prezident İlham Əliyevin daxili və xarici siyasəti nəticəsində Xocalı qətliamı günahkarlarının haqlı cəzalarına çatacağına, işğal altında olan torpaqlarımızın tezliklə azad ediləcəyinə, əzəli torpaqlarımızdan didərgin düşmüş həmvətənlərimizin öz ata-baba yurdlarına qayıdacaqlarına əminlik ifadə olunub.
Xocalıdan olan məcburi köçkün Yusif Quliyev çıxış edərək, onlara göstərilən diqqət və qayğıya görə Prezident İlham Əliyevə minnətdarlığını bildirib.
Görüşün sonunda məcburi köçkün ailələrinə yardımlar edilib.
Bölmənin digər xəbərləri
