Matyaj Kek: Azərbaycan millisi çox yaxşı oyun nümayiş etdirdi
Bakı, 12 noyabr, AZƏRTAC
İlk hissəni pis keçirdik. Aqressiya çatmırdı və topa gecikirdik.
AZƏRTAC xəbər verir ki, bunu futbol üzrə Azərbaycan yığması ilə yoldaşlıq oyunu keçirən Sloveniya millisinin baş məşqçisi Matyaj Kek matçdan sonra təşkil olunan mətbuat konfransında deyib.
Mütəxəssis bildirib ki, Azərbaycan millisi çox yaxşı oyun nümayiş etdirdi. Komandam daha çox Yosip İliçiçi topla təmin etməyə çalışırdı. Bu da effekt vermirdi. İkinci hissə daha yaxşı oynadıq, amma yenə də qol epizodları yaratmaq tam alınmırdı.
Qeyd edək ki, Lyublyana şəhərindəki "Stojitse" stadionunda baş tutan Sloveniya-Azərbaycan yoldaşlıq oyununda hesab açılmayıb.
Bölmənin digər xəbərləri
