Media: Ərbildəki ABŞ hərbi bazasında üç güclü partlayış baş verib
Bakı, 8 mart, AZƏRTAC
İranın İraqın Ərbil şəhəri yaxınlığındakı Amerika qüvvələrinin yerləşdiyi hərbi bazaya bir neçə dron hücum edib.
AZƏRTAC xəbər verir ki, bu barədə “Safaq News” portalı məlumat yayıb.
Məlumata görə, bazanın yerləşdiyi Ərbil hava limanı yaxınlığında ən azı üç güclü partlayış baş verib. Portal qeyd edib ki, bu, son bir neçə saat ərzində ABŞ obyektinə edilən ikinci hücumdur. Hücum edən dronlara zenit topları ilə cavab verilib. Hazırda hücumun nəticələri barədə rəsmi məlumat yoxdur.
Bölmənin digər xəbərləri
