Mediada plüralizm: dörd fransız xəbər kanalını araşdırıb və “CNews” kanalı tənqid edilib
Paris, 27 noyabr, AZƏRTAC
“Sərhədsiz Reportyorlar” (RSF) təşkilatı Fransanın dörd xəbər kanalı - BFMTV, LCI, “Franceinfo” və “CNews” üzərində plüralizmin qorunub-qorunmadığını araşdırmaq üçün tədqiqat aparıb. Qeyri-hökumət təşkilatının açıqlamasına görə, Bolloré qrupuna məxsus “CNews” bu tələblərə ən az əməl edən kanaldır.
AZƏRTAC xəbər verir ki, Fransa qanunlarına görə, bu dörd xəbər kanalı müxtəlif fikir və siyasi düşüncə istiqamətlərinin təqdimatını təmin etməlidir. Audiovizual tənzimləmə qurumu - Arcom 2024-cü ildə Dövlət Şurasının qərarından sonra bu prinsipləri dəqiqləşdirərək, həm müxtəlif mövzuların, həm də fərqli qonaqların ekranlarda yer almasının vacibliyini vurğulamışdı.
Bu tələblərin yerinə yetirilib-yetirilmədiyini müəyyənləşdirmək üçün RSF böyük bir müqayisəli araşdırmaya başlayıb. Təşkilat plüralizmi obyektivləşdirmək üçün yenilikçi bir proqram hazırlayıb: proqram hər 10 saniyədən bir kanalların ekran görüntüsünü alır və aşağı hissədəki xəbərlər zolağını oxumaqla mövzuları və çıxış edən şəxsləri təsnif edir. 2025-ci ilin mart ayına aid ümumilikdə 700.000-dən çox məlumat zolağı analiz edilib.
Araşdırmanın ilk hissəsi siyasətçilərin efirdə görünmə vaxtlarını ölçüb. Zolaqların yayımlanma saatlarına baxıldıqda, RSF “CNews”in plüralizm qaydalarını “dolayı yolla pozduğunu” iddia edir.
Bölmənin digər xəbərləri
