Məhəmməd Salah zədəsini “Liverpul”un düşərgəsində sağaldacaq
Bakı, 23 yanvar, AZƏRTAC
Afrika Millətlər Kubokunun B qrupunda Qana ilə matçda zədələnən Misir millisinin və İngiltərənin “Liverpul” komandasının futbolçusu Məhəmməd Salah yığmanın düşərgəsini tərk edəcək.
AZƏRTAC klubun rəsmi saytına istinadən xəbər verir ki, 32 yaşlı hücumçu zədəsini sağaltmaq üçün yanvarın 24-də Mersisayd təmsilçisinə qayıdacaq.
Təcrübəli forvard ən qısa zamanda meydana dönmək üçün reabilitasiya proqramına başlayacaq.
Qeyd edək ki, Məhəmməd Salah Qana ilə oyunda (2:2) bud nahiyəsindən zədələnib.
Bölmənin digər xəbərləri
