Məhəmməd Şumməri: Beynəlxalq sistem qloballaşma baxımından ciddi bir aşınma dövrü yaşayır
Bakı, 27 may, AZƏRTAC
Beynəlxalq sistem hazırda öz təməl prinsipləri olan qloballaşma, çoxtərəflilik və açıq bazar dəyərləri baxımından ciddi bir aşınma dövrü yaşayır.
AZƏRTAC xəbər verir ki, bunu Beynəlxalq Əlaqələr üzrə Sumer Fondunun direktoru Məhəmməd Şumməri "İslamofobiya: Qərəzin ifşa olunması və stiqmaların dağıdılması” adlı beynəlxalq konfrans çərçivəsində təşkil edilən “Dəyişən dünyada islam mədəni irsinin qorunması” mövzusunda panel iclasda söyləyib.
Onun sözlərinə görə, bu prinsiplərin yerini getdikcə millilik və xalqçı axınlar tutur. Bu isə “mədəni kimliyin saflığı” kimi anlayışların yenidən gündəmə gəlməsinə səbəb olur. Nəticədə “biz və digərləri” mübahisəsi güclənir və dini-sivilizasiya simvollarının, irsi dəyərlərin yenidən ortaya atılması baş verir - amma bu dəfə tolerantlığın deyil, fərqləndirmənin bir aləti kimi. İslamofobiyaya ağıllı və şüurlu yanaşma, İslam mədəni irsini bu çağırışlara cavab verən strateji bir vasitəyə çevirməklə mümkündür.
Bölmənin digər xəbərləri
