MEHMAN ƏZİZOV CÜDO ÜZRƏ OLİMPİYA LİSENZİYA TURNİRİNİN QALİBİDİR
Martın 21-22-də Rotterdamda cüdo üzrə “A” seriyalı olimpiya lisenziya turniri keçirilmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Azərbaycanı bu yarışlarda üç idmançı – Zaur Paşayev (73 kq), Elxan Rəcəbli (81 kq) və Mehman Əzizov (81 kq) təmsil etmişlər.
Mehman Əzizov bütün rəqiblərini məğlub edərək, turnirin qalibi olmuşdur. Nazirlikdən həmçinin demişlər ki, 2004-cü ilin Oyunlarına lisenziya sahiblərinin adları bütün belə yarışların yekunlarına əsasən məlum olacaqdır. Lakin indidən əminliklə demək olar ki, cüdoçumuz bu parlaq qələbədən sonra Afinaya vəsiqə almışdır.
Bölmənin digər xəbərləri
