ELM VƏ TƏHSİL
MƏKTƏBLİLƏRLƏ GÖRÜŞ KEÇİRİLMİŞDİR
Bakı şəhəri Binəqədi Rayon İcra Hakimiyyətində Azərbaycan Memarlıq və İnşaat Universiteti kollektivi ilə Binəqədi rayon məktəblilərinin görüşü keçirilmişdir.
AZƏRTAC-ın müxbiri xəbər verir ki, Universitet təkcə ölkəmiz üçün deyil MDB və digər xarici ölkələr üçün memarlıq və inşaat sahəsində mütəxəssislər hazırlayan ali təhsil müəssisəsi kimi şöhrət qazanmışdır.
Universitetinin rektoru, Milli Məclisin deputatı, professor Gülçöhrə Məmmədova təhsil müəssisəsində 43 ixtisas üzrə qəbul planı barədə məlumat vermişdir. Rektor bildirmişdir ki, peşəkar inşaatçı kadrlara, mühəndislərə ehtiyac güngən-günə artır. Buna görə də bir sıra xarici ölkələrin universitetləri ilə əməkdaşlıq çərçivəsində müasir tələblərə cavab verən kadrlar hazırlamaq ali təhsil ocağının qarşısında əsas vəzifə kimi durur.
Sonra universitetin professor və müəllimləri məktəblilərin çoxsaylı suallarına cavab vermişlər.