MƏRAKEŞDƏ AĞIR YOL QƏZASINDA 29 SƏRNİŞİN ÖLMÜŞ, 30 NƏFƏR İSƏ YARALANMIŞDIR

29.08.2004 [11:22]
Çap et
A⁺ A^-

AZƏRTAC-ın xüsusi müxbiri xəbər verir ki, şənbə günü Mərakeşdə ağır yol qəzası baş vermişdir. Avtobusun yük maşını və taksi ilə toqquşması nəticəsində 29 sərnişin həlak olmuş, 30 nəfər isə yaralanmışdır.

Hadisə Mərakeş şəhərini Aqadirlə birləşdirən yolda baş vermişdir. Sürəti artıraraq qarşıda gedən maşını ötmək istəyən avtobus əvvəlcə qarşıdan gələn yük maşını, sonra isə taksi ilə toqquşmuşdur. Avtobusun 27, taksinin isə iki sərnişini elə hadisə yerindəcə keçinmiş, daha 30 nəfər isə yaralanmışdır. Şahidlərin bildirdiyinə görə ölənlərin sayı arta da bilər. Çünki yaralananlar arasında 11 nəfərin vəziyyəti çox ağırdır.

Xəsarət alanların hamısı mərakeşlilərdir. Hadisə yerinə özlərini çatdırmış xilasedicilər yaralıları yaxınlıqdakı xəstəxanalarda yerləşdirmiş və onlara təcili tibbi xidmət göstərilmişdir.

MƏRAKEŞDƏ AĞIR YOL QƏZASINDA 29 SƏRNİŞİN ÖLMÜŞ, 30 NƏFƏR İSƏ YARALANMIŞDIR

MÜƏLLİFLƏ ƏLAQƏ

Bölmənin digər xəbərləri