MİLLİ KİNO GÜNÜ “NİZAMİ” KİNOTEATRINDA QEYD EDİLƏCƏKDİR
Mədəniyyət Nazirliyinin təşkilatçılığı ilə avqustun 2-də Azərbaycanın milli kino günü qeyd ediləcəkdir. Tədbirdə kinoşünaslarımız ölkəmizdə kinonun yaranma tarixindən və inkişaf yolundan söz açacaq, onun bugünkü vəziyyətindən danışacaqlar.
Nazirlikdən AZƏRTAC-a bildirmişlər ki, bayram tədbirinin sonunda kino günü ərəfəsində çəkilişi başa çatmış yeni - “Küçələrə su səpmişəm” filmi nümayiş etdiriləcəkdir.
Rejissor Nicat Feyzullayevin tanınmış yazıçı İsi Məlikzadənin eyniadlı əsəri əsasında quruluş verdiyi filmdə baş rollarda xalq artistləri Rasim Balayev və Fuad Poladov çəkilmişlər.
Bölmənin digər xəbərləri
