MİLLİ MƏCLİSİN SƏDRİ DEPUTATLARI HƏMRƏYLİYƏ ÇAĞIRMIŞDIR

25.06.2004 [22:50]
Çap et
A⁺ A^-

Ermənistan prezidenti Robert Koçaryanın Avropa Şurası Parlament Assambleyasının yay sessiyasındakı çıxışında “mən Dağlıq Qarabağda azərbaycanlılara qarşı vuruşmuşam” deməsi onun barəsində cinayət işinin qaldırılması və Azərbaycanın beynəlxalq məhkəməyə müraciət etməsi üçün əsas sayıla bilər.

AZƏRTAC-ın müxbiri xəbər verir ki, bu fikir Milli Məclisin iyunun 25-də keçirilmiş iclasında səslənmişdir.

Parlamentin rəhbəri Murtuz Ələsgərov deputatların fikirləri ilə razılaşmış və atılacaq müvafiq addımların uğurla nəticələnməsi üçün həmkarlarını birgə fəaliyyətə çağırmışdır. Milli Məclisin sədri demişdir ki, beynəlxalq məhkəməyə müraciət etmək üçün bir sıra prosedurlardan keçilməlidir. İstəyimizə nail olmaqdan ötrü siyasi mənsubiyyətindən asılı olmayaraq, bütün hüquqşünaslar birləşməli, imkanlarını səfərbər etməlidirlər.

Milli Məclisdə təmsil olunan siyasi partiyaların hüquqşünas deputatları parlamentin rəhbərinin çağırışına müsbət yanaşmışlar.