MİLLİMİZİN OYUNLARININ VAXTI MÜƏYYƏNLƏŞİB
Bakı, 5 avqust (AZƏRTAC). Çimərlik futbolu üzrə Avropa Liqasının superfinalının B divizionunda Azərbaycan milli komandasının rəqibləri müəyyənləşmişdir.
AFFA-dan bildirmişlər ki, millimiz bu yarışda avqustun 19-dan 24-ə qədər iştirak edəcək. Oyunlar Portuqaliyanın Vilyareal de Santo Antonio şəhərində keçiriləcək. B divizionunda millimiz Rumıniya, Türkiyə, Belarus, Yunanıstan yığması və A divizionunda sonuncu yeri tutan komanda ilə mübarizə aparacaq.
Avropa Liqasının əsasnaməsinə uyğun olaraq, A divizionunda ən zəif nəticə göstərmiş komanda B divizionuna göndərilir. B divizionunda birinci yeri tutmuş kollektiv isə A divizionunda mübarizə aparmaq hüququ qazanır.
Bölmənin digər xəbərləri
