Misir və Pakistan İran və ABŞ-ni iyun razılaşmasının icrasına qayıtmağa çağırıb
Qahirə, 7 sentyabr, AZƏRTAC
Misir və Pakistan İranla ABŞ arasında iyunun 18-də imzalanmış müvəqqəti razılaşmanın icrasına qayıtmağın və bölgədə davam edən müharibəyə son qoymağın vacibliyini vurğulayıblar.
AZƏRTAC Misir Xarici İşlər Nazirliyinə istinadla xəbər verir ki, bu, xarici işlər naziri Bədr Əbdülati ilə pakistanlı həmkarı Məhəmməd İshaq Dar arasında baş tutan telefon danışığı zamanı bildirilib.
Tərəflər, həmçinin regionda gərginliyin azaldılması və sabitliyin bərpası istiqamətində səyləri müzakirə ediblər. Nazirlər ikitərəfli səviyyədə və Səudiyyə Ərəbistanı, Misir, Türkiyə və Pakistanın daxil olduğu regional dördtərəfli mexanizm çərçivəsində məsləhətləşmələrin və sıx koordinasiyanın davam etdirilməsi barədə razılığa gəliblər.
Xatırladaq ki, Pakistan və Qətər İranla ABŞ arasında müharibənin dayandırılması istiqamətində əsas vasitəçilik səylərini həyata keçirən ölkələr sırasında yer alır. Münaqişə ABŞ və İsrailin fevralın 28-də İrana qarşı zərbələrindən sonra başlayıb.
Bölmənin digər xəbərləri
