Misir XİN Türkiyə rəsmilərinin iki ölkənin əlaqələrinə dair bəyanatlarına münasibət bildirib
Qahirə, 13 mart, AZƏRTAC
Misirin Xarici İşlər Nazirliyində olan rəsmi mənbə rəsmi MENA informasiya agentliyinə şərhində Türkiyənin xarici işlər naziri Mövlud Çavuşoğlu və Prezidentin sözçüsü İbrahim Kalının Ankara ilə Qahirə arasında diplomatik münasibətlərin tam bərpa olunması istiqamətində müvəqqəti işlər vəkilləri səviyyəsində danışıqlar aparıldığı barədə bəyanatlarına münasibət bildirib.
AZƏRTAC xəbər verir ki, şərhdə Misirin Türkiyə ilə əlaqələrin möhkəmlənməsinə böyük əhəmiyyət verdiyi qeyd edilib. Eyni zamanda, XİN rəsmisi vurğulayıb ki, rəsmi Ankara ilə diplomatik əlaqələrin tam bərpası ölkələrin suverenliyinə hörmət və ərəb milli təhlükəsizliyi kontekstində həyata keçirilə bilər.
Qahirə 2013-cü ildə Misirin mərhum Prezidenti Məhəmməd Mursinin hakimiyyətinin devrilməsinə etiraz edən Türkiyədən öz səfirini geri çağırıb və iki ölkə arasında diplomatik missiyanın fəaliyyəti indiyədək bərpa edilməyib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
